Երևանում մոտ 60 ընտանիք 8 տարուց ավելի է, առանց հոսանքի է, թաղապետարանն էլ մեղքը բարդում է բնակիչների վրա. shamshyan.com

Արդեն 8 տարուց ավելի է, Երևան քաղաքի Նոր Նորք վարչական շրջանի Ջուղայի փողոցի 5-րդ շենքի 60 ընտանիք բնակվում է «քարե դարում»՝ առանց էլեկտրաէներգիայի։

Նշված շենքը 5 հարկանի է և ունի 5 մուտք, և այդ շենքում բնակվում է մոտ 60 ընտանիք։ Կան ընտանիքներ, որ 3 հոգի են, իսկ կան ընտանիքներ էլ՝ 10-ից ավելի։

Երևանի քաղաքապետարանը նշված շենքը համարել է 4-րդ վթարային և հայտարարում է, որ այդ 60 ընտանիքներն անօրինական են բնակվում այնտեղ, ինչի համար էլ նրանք իրավունք չունեն ունենալ էլեկտրաէներգիա։

«Մեր խնդրանքն է, որպեսզի տրամադրեն էլեկտրաէներգիա, և մեր ծախսած հոսանքի համար մենք պատրաստ ենք վճարելու։ Կան բնակիչներ, ովքեր տարիներ առաջ բնակարաններ են ստացել, սակայն մի մասը հաշվառված է եղել նշված շենքում դեռ ԽՍՀՄ տարիներից։ Մի մասն էլ փողոցում չհայտնվելու կամ արտագաղթի ճանապարհը չբռնելու համար եկել, տնավորվել են էստեղ։ Սփյուռքի նախարար Հրանուշ Հակոբյանը կուրծք ծեծելով ու կոկորդը պատռելով հայտարարում է, թե՝ հայե՛ր, եկե՛ք տուն։ Մինչդեռ մենք էստեղ մեզ օտար ենք զգում»,- ասել են բնակիչները:

Մանրամասները՝ սկզբնաղբյուր կայքում: