Ավտովթար Լոռու մարզում. փրկարարներն այս պահին փորձում են մեքենայից դուրս բերել երկրորդ վիրավորին (Թարմացված՝ ֆոտոշարք)
Գագիկ Շամշյանը հայտնում է
Քիչ առաջ ավտովթար է տեղի ունեցել Լոռու մարզում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 09.30-ի սահմաններում «Սուզուկի» մակնիշի 944 ՕՕ 62 համարանիշի ավտոմեքենայի վարորդը Վանաձոր-Դիլիջան ավտոճանապարհի 7-րդ կմ-ին դուրս է եկել երթևեկելի գոտուց և բախվել ճամփեզրի երկաթե արգելապատնեշներին:
Վթարի հետևանքով երկու հոգի մարմնական վնասվածքներ են ստացել:
Վարորդը արդեն տեղափոխվել է Վանաձորի հիվանդանոց:
Այս պահին դեպքի վայր են ժամանել արտակարգ իրավիճակների նախարարության Հայաստանի փրկարար ծառայության Լոռու մարզի փրկարարները, ովքեր փորձում են հատուկ տեխնիկայի միջոցով ավտոմեքենան մասնատել, որպեսզի կարողանան վիրավորին դուրս բերել ավտոմեքենայից:
Դեպքի վայրում հավաքվածները ֆոտոլրագրող Գագիկ Շամշյանին հայտնել են, որ ավտոմեքենայի ուղևորը ԱՄՆ-ի քաղաքացի է:
Արդեն դեպքի վայր են ժամանել Ճանապարհային ոստիկանության 2-րդ սպայական գումարտակի Վանաձորի ճանապարհային ոստիկանության տեսուչները` Վարդան Նարգիզյանի գլխավորությամբ:
Լուսանկարները՝ Գագիկ Շամշյանի
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
