100-ավոր ահաբեկիչներ իրենց ընտանիքներով լքել են սիրիական Հոմսը

Ավելի քան 100 իսլամիստ ահաբեկիչ իրենց ընտանքիքների հետ միասին լքել են սիրիական Հոմս քաղաքը: Այս մասին գրում է russian.rt.com-ը' հղում անելով սիրիական SANA գործակալությանը:

Ներկա պահին Հոմսի Ալ Վաեր թաղամասն արդեն լքել է ընդհանուր թվով մոտ 350 մարդ: Մարդկանց դուրս բերման գործողությունն իրականացվել է սիրիական կարմիր մահիկի, Սիրիայի ՆԳՆ ներկայացուցիչների ու ռուսական ռազմական ոստիկանության անդամների անմիջական հսկողության տակ:

Նշենք, որ այս թաղամասը վերջինն էր Հոմսում, որտեղ շարունակում էին ծպտված մնալ զինված գրոհայիններ: Զինյալներին ու նրանց ընտանիքներին դուրս բերելու գործողության ավարտից հետո Հոմսը կհամալրի այն սիրիական քաղաքների շարքը, որտեղ վերահսկողությունն ամբողջությամբ սիրիական բանակի ձեռքում է: