Բեյոնսեն շարունակում է զարմացնել (լուսանկար)

Ամերիկյան հայտնի r’n’b ոճի երգչուհի Բեյոնսեն, որը պատրաստվում է ամռան սկզբին լույս աշխարհ բերել երկվորյակների, հղիության ընթացքում ամենևին էլ չի հրաժարվել ոճային հագուկապից:

Ինչպես նշում է The Daily Mail-ը, 35-ամյա երգչուհին իր Instagram-ի էջը պարբերաբար թարմացնում է նոր լուսանկարներով, որոնցով ապացուցում է, որ հղիությունը ոճային հագուստից հրաժարվելու պատճառ չէ:

Վերջին լուսանկարներում աստղը սև կիպ զգեստը համադրել է ոսկեգույն վերարկուի, սև լայնեզր գլխարկի, Gucci պայուսակի ու ոճային սանդալների հետ: Կերպարն ամբողջական դարձնելու համար Բեյոնսեն օգտագործել է ոսկեգույն, մեծ ականջօղեր: