«Չելսի»-ն կրկնեց սեփական ռեկորդը (տեսանյութ)

Անգլիայի առաջնության 28-րդ տուրի հետաձգված խաղում Լոնդոնի «Չելսի»-ն 4:3 հաշվով հաղթել է «Ուոթֆորդ»-ին:

Լոնդոնյան թիմը ԱՊԼ-ի մեկ մրցաշրջանում տարած հաղթանակների քանակով կրկնեց սեփական ռեկորդը, որը սահմանել էր 2004/05 և 2005/06 մրցաշրջաններում: Լոնդոնցիներն այս մրցաշրջանում հաղթել են 29 խաղում:

Նշենք, որ «Չելսի»-ն ապահովել է Անգլիայի չեմպիոնի տիտղոսը:

Անգլիայի առաջնության վերջին տուրում լոնդոնցիները մայիսի 21-ին ուժերը կչափեն «Սանդերլենդ»-ի հետ: