«Ռեալ»-ն` Իսպանիայի չեմպիոն. «Բարսելոնա»-ն հաղթեց վերջին խաղում (տեսանյութ)

Իսպանիայի առաջնության վերջին 38-րդ տուրում Մադրիդի «Ռեալ»-ը արտագնա խաղում 2:0 հաշվով հաղթեց «Մալագա»-ին և դարձավ Իսպանիայի չեմպիոն:

Հանդիպման 2-րդ րոպեին Կրիշտիանու Ռոնալդուն բացեց հաշիվը, 55-րդ րոպեին Քարիմ Բենզեման խփեց խաղի վերջին գոլը:

Արդյունքում Զիդանի թիմը 93 միավորով գլխավորեց Լա լիգայի մրցաշարային աղյուսակը` նվաճելով չեմպիոնի կոչումը: Մադրիդցիները այս տիտղոսին արժանացան 33-րդ անգամ: 

Կատալոնյան «Բարսելոնա»-ն զբաղեցրեց երկրորդ տեղը` վերջին խաղում 4:2 հաշվով հաղթելով «էյբար»-ին:

Հյուրերի կազմում դուբլի հեղինակ դարձավ Տակասի Ինուին (7', 61'), խաղի 63-րդ րոպեին Դավիդ Խունկան ինքանգոլի հեղինակ դարձավ, 73-րդ րոպեին Լուիս Սուարեսը հավասարեցրեց հաշիվը:

Խաղի 74-րդ րոպեին Անդեր Կապան հեռացվեց դաշտից, իսկ 75-րդ րոպեին Լիոնել Մեսսին դիպուկ իրացրեց նշանակված 11 մետրանոցը: Խաղավարտին արգենտինացին երկրորդ անգամ աչքի ընկավ (90+2):

Էնրիկեի թիմը վաստակեց 90 միավոր:

Իսպանիայի առաջնության ավարտված մրցաշրջանի լավագույն քառյակում են «Ռեալ»-ը, «Բարսելոնա»-ն, «Ատլետիկո»-ն և «Սևիլիա»-ն: