Մեսսին Իսպանիայի առաջնության լավագույն ռմբարկուն է և «Ոսկե խաղակոշիկ»-ի դափնեկիրը

Իսպանիայի 2016/17 ավարտված մրցաշրջանի անհատական մրցանակների դափնեկիրները հայտնի են:

Կատալոնյան  «Բարսելոնա»-ի հարձակվող Լիոնել Մեսսին  արժանացել է Պիչիչիի մրցանակին, որը տրվում է  առաջնության լավագույն ռմբարկուին: Արգենտինացին 34 խաղում դարձել է 37 գոլի հեղինակ: Սա լավագույն արդյունքն է եվրոպական հինգ առաջատար առաջնություններում, ինչը ֆուտբոլիստին երաշխավորում է նաև «Ոսկե խաղակոշիկը»: Այս մասին գրում է Marca-ն:

«Ատլետիկո»-ի դարպասապահ Յան Օբլակը  երկրորդ անգամ անընդմեջ ճանաչվում է լավագույն դարպասապահ, ով ամենաքիչ գոլն է բաց թողել մրցաշրջանում:

Դարպասապահը 29 խաղում միայն 21 անգամ է գոլ ընդունել սեփական դարպասը: