«Ծառուկյան» խմբակցության մեր աղբյուրները փոխանցում են, որ քվեարկությունից առաջ Գագիկ Ծառուկյանի կողմից հրահանգ է եղել. «Ում ուզում եք քվեարկեք, բայց Աշոտյանին՝ բոլորդ դեմ»: Քվեարկության արդյունքները վառ արտահայտում են հրահանգի իրականացումը, սակայն եղել են որոշ ԲՀԿ-ականներ, որոնք շատ են ոգեւորվել Ծառուկյանի հրահանգն իրականացնելուց եւ որոշել են անարգանքի սյունին գամել կրթության եւ գիտության նախկին նախարարին: Երկու անվավեր քվեաթերթիկներից մեկի վրա, որը քվեարկված է եղել «դեմ», ունեցել է նաեւ գրառում. «Աշոտյան Ս…»:
Գագիկ Ծառուկյան-Արմեն Աշոտյան տարաձայնությունները սկիզբ են առել 2015 թվականի փետրվարյան հայտնի իրադարձություններից հետո, երբ ՀՀԿ նախագահ Սերժ Սարգսյանը հայտարարել էր, թե ինքն է արգելել գործընկերներին օգտագործել «Դոդի Գագո» անվանումը: Սարգսյանի այդ ելույթից հետո Արմեն Աշոտյանն ու Կարեն Ավագյանը շտապեցին Գագիկ Ծառուկյանի անվանումը հոլովել «Դոդի Գագո» ձեւակերպմամբ:
Մեծ քաղաքականություն վերադառնալու առաջին օրերին ԲՀԿ նախագահը Մերգելյան գիտահետազոտական ինստիտուտի տարածքում լրագրողների հետ ունեցած ճեպազրույցում անդրադառնալով Արմեն Աշոտյանի վարքին՝ ասել էր, որ Գագիկ Ծառուկյանը ներողամիտ է: Փաստորեն, Գագիկ Ծառուկյանը հերիք չի, որ ներողամիտ չի, մի հատ էլ՝ հիշաչար է: Այս քվեարկությունը դրա վառ ապացույցն էր»:
Առավել մանրամասն՝ թերթի այսօրվա համարում
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
