Երբ թվում էր` աշխարհի ամենավատ ակումբն ունեմ, ես էլ վատագույն մարզիչն եմ, տիտղոս նվաճեցինք. Մոուրինու

«Մանչեսթեր Յունայթեդ»-ի գլխավոր մարզիչ Ժոզե Մոուրինյուն անդրադարձել է Եվրոպայի լիգայում տարած հաղթանակին և նշել, որ սա ամենակարևոր տիտղոսներից էր իր համար: 

«Վատ մրցաշրջանում, երբ ինձ երբեմն թվում էր, որ աշխարհի ամենավատ ակումբն ունեմ, երբ ինձ թվում էր, որ ես աշխարհի վատագույն մարզիչն եմ, մենք կարողացանք նվաճել երեք տիտղոս և դուրս եկանք Չեմպիոնների լիգա` եվրոպական մրցաշարհում հաղթելու հաշվին, այլ ոչ թե նրա համար, որ առաջնությունում երկրորդը կամ երրորդն էինք: Եվրոպայի սուպերգավաթի խաղարկությունում հանդես գալու պատվին արժանացանք, այնպես որ՝ կարծում եմ՝ մրցաշրջանն իսկապես հիանալի էր,- մարզչի խոսքը մեջբերում է Sky Sports-ը:

Այս տիտղոսն ինձ համար ամենակարևորն էր: Թիմը հիանալի էր առաջին րոպեից մինչև վերջ: Սա թիմային հիանալի ելույթ էր:

Ֆուտբոլում շատ պոետներ կան, բայց պոետները հազվադեպ են տիտղոսներ նվաճում: Գիտեինք, թե որն է թիմի առավելությունը և օգտագործեցինք մրցակցի թուլությունը»: