«Արսենալ»-ը` 13-րդ անգամ Անգլիայի գավաթակիր (տեսանյութ, լուսանկարներ)

Անգլիայի գավաթի խաղարկության եզրափակչում Լոնդոնի «Արսենալ»-ը 2:1 հաշվով հաղթեց «Չելսի»-ին և նվաճեց գավաթը:

4-րդ րոպեին Ալեքսիս Սանչեսը բացեց հաշիվը, պատասխան գոլը գրանցվեց 76-րդ րոպեին. աչքի ընկավ Դիեգո Կոստան, իսկ 3 րոպե անց՝ Աարոն Ռեմզին դարձավ իր թիմի հաղթական գոլի հեղինակը:

Նշենք, որ 68-րդ րոպեից Անգլիայի  չեմպիոնները մնացին տասը հոգով. երկրորդ դեղինը ստացավ և դաշտից հեռացվեց Վիկտոր Մոզեսը:

Լոնդոնցիներն այս տիտղոսը նվաճեցին ռեկորդային՝ 13-րդ անգամ: