Մեսսին` «Ոսկե խաղակոշիկ»-ի դափնեկիր

Կատալոնյան «Բարսելոնա»-ի հարձակվող Լիոնել Մեսսին 2016/17 մրցաշրջանի արդյունքով արժանացել է «Ոսկե խաղակոշիկ» մրցանակին: Մրցանակն ամեն տարի հանձնվում է եվրոպական առաջնությունների լավագույն ռմբարկուին:

29-ամյա արգենտինացին Իսպանիայի ավարտված առաջնությունում մասնակցել է 34 խաղի, խփել 37 գոլ (74 միավոր):

Երկրորդը «Սպորտինգ»-ի ֆուտբոլիստ Բաս Դոստն է, ով դարձել է 34 գոլի հեղինակ (68 միավոր), լավագույն եռյակը եզրափակում է Դորտմուդնի «Բորուսիա»-ի խաղացող Պիեր Էմերիկ Օբամեյանգը (31 գոլ, 62 միավոր):

Լիոնել Մեսսին այս մրցանակին արժանանում է կարիերայում 4-րդ անգամ: