«Փաստ»․ Դատավորը վաճառել է բնակարանը, գնել ավտոմեքենա

«Փաստ» օրաթերթը գրում է.

Երևան քաղաքի Արաբկիր և Քանաքեռ–Զեյթուն վարչական շրջանների ընդհանուր իրավասության դատարանի դատավոր Արսեն Նիկողոսյանը նախորդ տարի վաճառել է իր բնակարանը 29 միլիոն 100 հազար դրամով: Փոխարենը նա 4 միլիոն 350 հազար դրամով գնել է «SUZUKI GRAND VITARA 2.7» մակնիշի ավտոմեքենա: Այս մասին տեղեկանում ենք Նիկողոսյանի՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:
Նիկողոսյանի դրամական միջոցները նախորդ տարի հետևյալ պատկերն են ունեցել՝ 2 միլիոն 500 հազար դրամ, 33 հազար ամերիկյան դոլար և հազար եվրո: Տարեկան եկամուտները բավական շատ են: Վերջինս հայտարարագրել է թե՛ դրամով և թե՛ դոլարով եկամուտներ: Դոլարով արտահայտված միջոցները ստացված փոխառություններն են՝ վարկերը, որոնք կազմել են 45 հազար 400 ԱՄՆ դոլար: Եկամուտների մնացած մասը ստացվել է 5 տարբեր աշխատավարձերի հանրագումարից՝ 5 միլիոն 795 հազար դրամի չափով, 980 հազար դրամ քաղաքացիաիրավական այլ պայմանագրերից ստացված եկամուտից և 1 միլիոն դրամ ստացված փոխառություններից:

Շարունակությունը` «Փաստ» օրաթերթի այսօրվա համարում