Հայաստանի հավաքականի խոշոր` 5:0 հաշվով հաղթանակը (տեսանյութ)

Հայաստանի ազգային հավաքականը  Հանրապետական մարզադաշտում ընկերական խաղի շրջանակներում ուժերը չափեց Սենթ Քիթս և Նևիսի հավաքականի հետ:

Մեր ազգային ընտրանին առավելության հասավ 5:0 հաշվով:  Հանդիպման 20-րդ րոպեին Արտակ Գրիգորյանի փոխանցումից հետո Ռուսլան Կորյանը բացեց հաշիվը:

Տասը րոպե անց մեր ընտրանու ավագ Հենրիխ Մխիթարյանը կրկնապատկեց իր թիմի գոլային առավելությունը, իսկ 40-րդ րոպեին Մխիթարյանը նաև իր երկրորդ գոլը խփեց:

Գոլի հեղինակները`  Կորյունն ու Մխիթարյանը մասնակցեցին միայն առաջին խաղակեսին: Նրանց փոխարինեցին Արթուր Սարկիսովն ու Տիգրան Բարսեղյան:

Սարկիսովը հանդիպման 68-րդ րոպեին հաշիվը դարձրեց 4:0 հօգուտ Հայաստանի ընտրանու: Խաղավարտին Արտակ Եդիգարյանը խփեց մերոնց 5-րդ գոլը:

Նշենք, որ մեր ազգային Աշխարհի 2018 թ-ի առաջնության որակավորման փուլում հունիսի 10-ին կհյուրընկալվի Մոնտենեգրոյի ընտրանուն: