Ժամի կռիվ՝ ԱԺ-ում. նիստի մեկնարկից րոպեներ անց գնացին ընդմիջման

Կառավարության առաջարկով այսօր՝ հունիսի 7-ին հրավիրված Ազգային ժողովի արտահերթ նիստի օրակարգում էր դրված Կառավարության առաջարկը՝ մի շարք պետակական հիմնարկությունների մասնավորեցման մասին: ԱԺ նախագահն առաջարկեց պետական գույքի մասնավորեցման հարցի համար հատկացնել 2 ժամ 30 րոպե ժամանակ: 

Հատկացված ժամաքանակի հետ համամիտ չէր ԵԼՔ դաշինքի պատգամավոր Նիկոլ Փաշինյանը: Վերջինս շեշտեց, որ հատկացված ժամաքանակը շատ քիչ է նման խոշորամասշտաբ նախագիծ քննարկելու համար: 

Նույն դաշինքի պատգամավոր Արտակ Զեյնալյանն էլ անընդունելի համարեց երկու ժամում պետության համար կարևորագույն նշանակություն ունեցող հաստատությունների մասնավորեցման հարցը քննարկելը՝ պնդելով՝ Նիկոլ Փաշինյանի առաջարկը քննարկման համար ժամանակ սահմանել 5 ժամը: 

Վեճին միջամտեց ՀՀԿ-ական պատգամավոր Վահրամ Բաղդասարյանը՝ առաջարկելով 20 րոպե ընդմիջում՝ վիճահարույց հարցը լուծելու համար: 

Վահրամ Բաղդասարյանի առաջարկն անցավ միաձայն և պատգամավորները նիստի մեկնարկից րոպեներ անց գնացին ընդմիջման: