Բոլոր ժամանակների լավագույն ֆիլմը
Գիտություն և Մշակույթ
«Կնքահայրը» ֆիլմը գլխավորել է կինոսիրողների վարկածով բոլոր ժամանակների լավագույն ֆիլմերի ցանկը: Վարկանիշը կազմվել է բրիտանական Empire ազդեցիկ հանդեսի հարցման արդյունքներով:
1972 թվականի կինոնկարը Նյու Յորքի Կոռլեոնե սիցիլիական մաֆիական ընտանիքի մասին Ֆրենսիս Ֆորդ Կոպոլայի եռերգության առաջին մասն է: Ֆիլմը նկարահանվել է Մարիո Պյուզոյի համանուն վեպի մոտիվներով եւ ընդգրկում է 1945 – 1955 թվականներն ընկած ժամանակահատվածը:
«Կնքահայրը» երկրորդ հորիզոնական է մղել Իրվին Քերշների՝ 1980 թվականի «Աստղային պատերազմներ. Դրվագ 5 – Կայսրությունը հասցնում է պատասխան հարվածը» ժապավենը, որն անցյալ տարվա վարկանիշի առաջատարն էր: Երրորդ տեղն զբաղեցրել է Քրիստոֆեր Նոլանի «Մռայլ ասպետը» (2008):
Նաեւ առաջին տասնյակ են մտել «Փախուստ Շոուշենքից», «Քրեական պատմություն», «Հիանալի տղաներ», «Ինդիանա Ջոնս. Կորուսյալ տապանի որոնումները», «Ժանիքներ» եւ «Մատանիների տիրակալը. Մատանու միաբանությունը» ֆիլմերը: Հանդեսի հարցմանը մասնակցել է 20 հազար կինոսիրող:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
