Ադրբեջանում երեխաների զանգվածային թունավորման դեպք է գրանցվել

Ադրբեջանի Սումգայիթ քաղաքում ավելի քան 60 երեխա անհայտ պատճառով թունավորման հետևանքով հայտնվել են հիվանդանոցում: Այս մասին հայտնում է ադրբեջանական Haqqin.az-ը:

Հիվանդանոցում հայտնել են, որ բերվող երեխաների մոտ նույն ախտանշաններն են՝ թուլություն, սրտխառնոց և սուր գլխացավեր:

Առաջին օգնություն ցուցաբերելուց հետո երեխաների մի մասը գնացել է տուն, սակայն շուրջ 40-ը շարունակում են մնալ հիվանդանոցում:

Դեռևս հայտնի չէ, թե որն է երեխաների թունավորման պատճառը: