1:4. Հայաստանի ազգային հավաքականը պարտվեց Մոնտենեգրոյի թիմից

Աշխարհի 2018 թվականի առաջնության որակավորման փուլի 6-րդ տուրում Հայաստանի հավաքականը հյուրընկալվեց Մոնտենեգրոյի ընտրանուն:

Մեր ազգային թիմը պարտվեց 1:4 հաշվով:

Խաղի հաշիվը բացվեց մեկնարկից 2 րոպե անց. առաջին գոլը խփեց Բեչիրայը:

28-րդ րոպեին Ստեֆան Յովետիչը կրկնապատկեց հաշիվը. առաջին խաղակեսն ավարտվեց 2:0 հաշվով՝ հօգուտ Մոնտենեգրոյի թիմի:

54-րդ րոպեին Յովետիչը դուբլ ձևակերպեց, իսկ 82-րդ րոպեին ֆանտաստիկ գոլով՝ նաև հեթ-տրիկ:

Նախավերջին րոպեին Ռուսլան Կորյանը կարողացավ մեր ընտրանու միակ գոլը խփել:

Այս պարտությունից հետո Արթուր Պետրոսյանի գլխավորած Հայաստանի ազգային թիմը E խմբում 6 միավորով նախավերջին՝ 5-րդ տեղում է: Մոնտենեգրոն ունի 10 միավոր և 2-րդն է: