Հայկ Մարտիրոսյանը ցույց է տվել լավագույն արդյունքը

Հայկ Մարտիրոսյանը Եվրոպայի շախմատի անհատական առաջնության մինչև 18 տարեկան մասնակիցների մեջ ցույց է տվել լավագույն արդյունքը:

Մինսկում ավարտված Եվրոպայի շախմատի առաջնությունում, բացի հիմնական մրցանակներից, սահմանված են եղել մի շարք հատուկ մրցանակներ՝ լավագույն արդյունքներ ցուցադրած վետերան, կին և մինչև 18 տարեկան պատանիների համար:

Մինչև 18 տարեկանների մեջ լավագույն արդյունքը ցույց են տվել 7.5-ական միավոր վաստակած Հայկ Մարտիրոսյանը և Արամ Հակոբյանը: Ավելի բարձր լրացուցիչ ցուցանիշների շնորհիվ Մարտիրոսյանի արդյունքը ճանաչվել է լավագույնը, իսկ Հակոբյանինը՝ երկրորդը: 7 միավոր վաստակած Կիրիլ Շևչենկոն եզրափակել է 18 տարեկանների լավագույն եռյակը: Կանանց մեջ լավագույն արդյունքը ցույց է տվել Էլիզաբեթ Պաետցը, իսկ վետերանների մեջ՝ Զուրաբ Ստուրուան: