«Հրապարակ». Վիկտոր Դալլաքյանը թերևս չի շարունակի քաղաքական գործունեությունը․ փակում են նաև գրասենյակը

«Հրապարակ» թերթը գրում է. 

Սերժ Սարգսյանի աշխատակազմից ընդդիմադիր դաշտ տեղափոխված Վիկտոր Դալլաքյանը թերեւս չշարունակի քաղաքական գործունեությունը։ Հուլիսի 1-ին լրանում է նրա հիմնած «Երրորդ հանրապետություն» կուսակցության գրասենյակի վարձակալության մեկամյա ժամկետը, եւ տեղեկություն կա, որ չեն պատրաստվում երկարացնել վարձակալության ժամկետը, նախ՝ որ քաղաքական անհրաժեշտություն չկա, որովհետեւ կուսակցությունում գրեթե բացառում են ՕՐՕ-ի հետ նոր համագործակցության հնարավորությունը, դրանից բացի, փող չկա։ Ավելի վաղ փակվել էր նաեւ կուսակցության կայքը։

Քիչ հավանական է նաեւ, որ Դալլաքյանը դարձյալ պաշտոն զբաղեցնի։ Կուսակցության վարչության անդամ Էդուարդ Անտինյանը երեկ գրասենյակի փակման եւ ապագա անելիքների մասին մեզ ասաց․ «Առաջիկայում, երբ մեր անելիքները հստակեցնենք, ըստ նոր ծրագրի, նաեւ կհամապատասխանեցնենք աշխատանքային պայմանները: Գրասենյակ պահելն ինքնանպատակ չէ, այն առաջին հերթին պետք է ֆունկցիոնալ նշանակություն ունենա: Կարծում եմ՝ առաջիկայում այդ հարցերի պատասխանները կունենանք»:

Մանրամասները՝ թերթի այսօրվա համարում