4 ֆուտբոլիստներ փորձաշրջան են անցնում «Շիրակ»-ում

Հունիսի 10-ից «Շիրակ»-ը Գյումրու ֆուտբոլի ակադեմիայում վերսկսել է մարզումները՝ նախապատրաստվելով Եվրոպայի լիգայի որակավորման առաջին փուլին։ Այս մասին տեղեկացնում է ակումբի կայքը:

Չորս նորեկներ միացել են «Շիրակ»-ի մարզումներին։ Գյումրի է վերադարձել գանացի 27-ամյա պաշտպան Էդվարդ Կպոդոն, որը «Շիրակ»-ի կազմում 2014թ. հանդես եկավ Եվորպա Լիագայի որակավորման առաջին փուլում։

Նախորդ մրցաշրջանը Կպոդոն անցկացրել է «Գանձասար-Կապան»-ի կազմում։ Գյումրեցիներին է միացել նաև «Փյունիկ»- ի նախկին սան, 23-ամյա հարձակվողական ոճի կիսապաշտպան Գագիկ Պողոսյանը, որի վերջին ակումբը եղել է իսպանական երրորդ դիվիզիոնում հանդես եկող «Վիրջին Դել Կամինո» ակումբը։

«Շիրակ»-ի հետ մարզվում են նաև կիսապաշտպաններ՝ 23-ամյա բոսնիացի Ալեքսանդար Իլիչը և 26-ամյա սերբ Իգոր Ստանոևիչը։ Ալեքսանդար Իլիչի նախորդ թիմը եղել է Մակեդոնիայի բարձրագույն խմբում հանդես եկող «Բրեգլանիցա Ստիպ»-ը, իսկ Իգոր Ստանոևիչը հանդես է եկել սերբական «Զեմուն»-ում։