Անդրանիկ Քերոբյանը` Մոսկվայի «Արարատ»-ի նպատակների մասին

Մոսկվայի «Արարատ»-ի փոխնախագահ Անդրանիկ Քերոբյանը տեսակամուրջի միջոցով անցկացված մամուլի ասուլիսի ընթացքում խոսեց ակումբի ստեղծման և նպատակների մասին:

«Հաճելի է, որ հետաքրքրված եք մեր ակումբով, քանի որ անունից էլ երևում է, որ Հայաստանի հետ կապ պետք է լինի և լինելու է:  Ակումբը ստեղծել է  թիմի նախագահ Վալերի Հովանիսյանը՝ մարտին: Գաղափարը եղել է դեռևս 2011թ.-ից, սակայն տարբեր պատճառներով՝ չէր իրագործվում:

Մեր գլխավոր նպատակն առաջին իսկ մրցաշրջանում առաջին դիվիզիոնում հայտնվելն է: Ակումբի առաքելություններից մեկն էլ  Ռուսաստանի և ամբողջ աշխարհի հայերին համախմբելն է, որպեսզի նրանք երկրպագեն մեր թիմին, այցելեն խաղերին»:

Այն նկատառմանը, որ Վալերի Հովհաննիսյանը ժամանակին եղել է «Ուլիս»-ի նախագահը, լավ սկիզբ եղավ, այս նախագիծը դադարեց, նույնը եղավ նաև Արմավիրի «Տորպեդո»-ում: Ի՞նչ երաշխիքներ կան, որ այս անգամ նույնը չի լինի, մոսկովյան թիմի փոխնախագահը նշեց.

«Ակումբի զարգացման մեթոդները  տարբերվելու են վերոնշյալ ակումբներից: Այստեղ յուրաքանչյուրը, ով ցանկանում է, կարող է բաժնետեր դառնալ և ակտիվ մասնակցություն ունենալ ակումբի գործունեությունում:

Ակումբը զբաղվում է հովանավորների հետ հարցերով և արդեն կա ձևավորված բյուդջե: Այնպես որ՝ ոչ մի անհանգստություն չունենք: Մենք ունենք երկարաժամկետ նախագիծ»:

Քերոբյանը  նշեց, որ բյուջեի չափով ակումբը երրորդն է երկրորդ դիվիզիոնի թիմերի շարքում:

Անդրադառնալով ակումբի ամենախոշոր բաժնետիրոջը, Քերոբյանը նշեց.

«Պաշտոնապես բաժնետոմսերը նա ձեռք չի բերել, առայժմ բաժնետոմսերն էլ պատրաստ չեն:  Երբ դա պաշտոնապես ձեռք բերվի, այդ մասին կգրվի կայքում»:

Անդադառնալով  «Արարատ 2»-ին, ակումբի փոխնախագահը նշեց, որ  նպատակն առաջին թիմի համար ֆուտբոլիստներ պատրաստելն է:

Քերոբյանը նշեց, որ ամենայն հավանականությամբ՝ կհամագործակցեն նաև Երևանի «Արարատ»-ի հետ:

«Վալերի Հովհաննիսյանն անձամբ՝ ծանոթ է Արկադի Անդրեասյանի հետ: Չի բացառվում, որ առաջիկայում նորություններ լինեն համագործակցության մասին: Սա դեռ բանավոր զրույց է, բայց ամենայն հավանակությամբ՝ համագործակցություն կլինի»,-ասաց նա:

Այն հարցին, թե արդյո՞ք Հայաստանի ընտրանու համար  կադրեր պատրաստելը  ակումբի նպատակներից է, Քերոբյանն ասաց.

«Դա մեր նպատակներից մեկն է: Շատ լավ կլինի, եթե կարողանանք ֆուտբոլիստներ պատրաստել Հայաստանի և Ռուսաստանի հավաքականների համար»: