«Գանձասար-Կապան»-ը երկու նոր ֆուտբոլիստ է ձեռք բերել (լուսանկարներ)

«Գանձասար-Կապան»-ը մեկ տարվա պայմանագիր է ստորագրել ազգությամբ գերմանացի 25-ամյա Քրիստոֆեր Մասսամբա Մանդիանգուի հետ։ Հարձակվողական ոճի կիսապաշտպան Մյունխենգլադբախը «Բորուսիա»-ի սան է։ Խաղացել է «Բորուսիա»-ի, «Դույսբուրգ»-ի երկրորդ թիմերում, շոտլանդական «Հեմիլթոն Ակադեմիկալ»-ում, Սլովակիան ներկայացնող «Ժիլինա»-ում և ավստրիական «Բլաու-Վեյս Լինս»-ում։ Այս մասին տեղեկացնում է հայկական ակումբի մամուլի ծառայությունը:

Մանդիանգուն խաղացել է նաև Գերմանիայի պատանեկան հավաքականներում՝ անցկացնելով 22 հանդիպում։

Կապանյան թիմը ևս մեկ համալրում ունի։ Մեկ տարվա պայմանագիր է ստորագրվել Հայիթիի ազգային հավաքականի եզրային պաշտպան Ալեքս Քրիստիանի հետ։ 23-ամյա պաշտպանի վերջին ակումբը եղել է Պորտուգալիայի 3-րդ դիվիզիոնը ներկայացնող «Կամաչա» թիմը, իսկ մինչ այդ հանդես է եկել նաև «Բոավիշտայի» կազմում։
Հայիթիի հավաքականի մարզաշապիկով Ալեքսն անցկացրել է 14 հանդիպում և դարձել մեկ գոլի հեղինակ: