Կրակոցներ Երևանում. 26-ամյա երիտասարդը հրազենային վիրավորում է ստացել

Քիչ առաջ կրակոցներ են հնչել Երևանում:

shamshyan.com-ի տվյալներով՝ Ժամը 23:00-ի սահմաններում անհայտ անձը Էրեբունի վարչական շրջանում կրակոցներ է արձակել Ազատամարտիկների 4-րդ նրբանցքի 6-րդ տան ուղղությամբ` կրակելով պատուհանին:

Կրակոցների արդյունքում նշված հասցեից ոստիկանության Էրեբունու բաժնի ծառայողները ոստիկանության ծառայողական մեքենայով` թևի մասում ստացված հրազենային վնասվածքով «Էրեբունի» հիվանդանց են տեղափոխել 26-ամյա Վահագն Գրիգորյանին:

Ոստիկանները պարզում են դեպքի հանգամանքները: