Կարողացա բրոնզե մեդալ նվաճել, բայց այսքանով չեմ բավարարվում. Սոնա Պողոսյան

Հայաստանի կանանց ծանրամարտի հավաքականի անդամ, Աշխարհի երիտասարդական առաջնության բրոնզե մեդալակիր Սոնա Պողոսյանը նպատակ ունի հաջորդ տարի դառնալ աշխարհի չեմպիոն:

«Իմ ելույթը ես շատ լավ եմ գնահատում: Կարողացա բրոնզե մեդալ նվաճել: Բայց այսքանով չեմ բավարարվում և ցանկություն ունեմ ավելի բարձր արդյունքների հասնել: Հաջորդ տարի ամեն ինչ կանեմ, որ արդեն աշխարհի չեմպիոն դառնամ»,-լրագրողների հետ հանդիպման ժամանակ ասաց Պողոսյանը:

Տոկիոյում տեղի ունեցած ծանրամարտի աշխարհի երիտասարդների առաջնության՝ կանանց 75 կգ քաշային կարգում Սոնա Պողոսյանը գրավեց 3-րդ տեղը: Նա պոկեց 98 կգ: Հրում վարժությունում մարզուհին բարձրացրեց 125 կգ և նվաճեց փոքր արծաթե մեդալ: Երկամարտի 223 կգ արդյունքով հայ ծանրորդը դարձավ բրոնզե մեդալակիր: