Եթե նույնիսկ հարուստն ու պաշտոնյան փորձեն իրենց որդուն ազատել բանակից, այդ նույն որդին պետք է դա համարի վիրավորանք. Մենուա Հարությունյան

Մենուա Հարությունյանը ֆեյսբուքյան իր էջում գրում է․

Ինչպիսի օրենքներ էլ ընդունենք հարուստներն և պաշտոնյաները փերձելու են սեփական ժառանգներին ազատել բանակից, մանավանդ, երբ սահմանին լարված է: Բայց ամուր պետականություն կերտելու համար, որն ի վիճակի կլինի մի կողմից պատերազմել, իսկ մյուս կողմից զարգանալ, չափազանց կարևոր է, որ գոնե զինծառայության հարցում առտոնյալներ չլինեն և մեծն Նժդեհի խոսքերով «Բոլորս հավասար լինենք մահվան առջև»...

Վստահ եմ, այս խնդիրը որևէ օրենք չի կարող լուծել, այս խնդիրը կարող է լուծել միմիայն հասարակական կարծիքը, որը իսկապես կհերոսացնի և առարկայական ցույց կտա ծառայած տղայի առավելությունները և իր վերաբերմունքով իզգոյ կդարձնի չծառայածին: Մենք պետք է հասնենք նրան, որ եթե նույնիսկ հարուստն ու պաշտոնյան փորձեն իրենց որդուն ազատել բանակից, այդ նույն որդին դա համարի վիրավորանք, և հակառակվելով սեփական ծնողի կամքին՝ գնա ծառայության և ծառայի հանուն հայրենիքի:

Ուզում եմ ասել` մեզ ոչ թե օրենքներ են պետք, այլ պետական գաղափարախոսություն և հասարակական ընգծված վերաբերմունք: