Հիվանդանոցում այրվածքներից մահացել է երկրորդ եղբայրը՝ 4-ամյա տղան (ՖՈՏՈ)
Գագիկ Շամշյանը հայտնում է
Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, երեկ` նոյեմբերի 18-ին, Երևան քաղաքի ճառագայթային բժշկության այրվածքների գիտական կենտրոնում մահացել է 4-ամյա Արման Գասպարյանը:
Հիշեցնենք, որ նոյեմբերի 14-ին արտակարգ միջադեպ էր տեղի ունեցել Գոգավանում: Ինչպես ավելի վաղ ԼՈՒՐԵՐ.com-ին հայտնել էր ֆոտոլրագրող Գագիկ Շամշյանը, Լոռու մարզի Գոգարան գյուղի տներից մեկում այսօր հրդեհ էր բռնկվել:
Հրդեհի հետևանքով ամբողջությամբ այրվել էր Մ. Գասպարյանին պատկանող երկհարկանի տան առաջին հարկը` գույքով (հյուրասենյակ, միջանցք, խոհանոց` 12x11մ):
Ֆոտոլրագրող Գագիկ Շամշյանը հայտնել էր, որ հրդեհի հետևանքով տարբեր աստիճանի այրվածքներ էին ստացել 4-ամյա Արման, 3-ամյա Գոռ և 3-ամյա Արեն Գասպարյանները, ովքեր բնակիչների և «1-03» ծառայության կողմից տեղափոխվել էին Սպիտակ քաղաքի հիվանդանոց, այնուհետև` Երևան:
3-ամյա Արեն Գասպարյանը մահացել էր հիվանդանոց տեղափոխվելու ճանապարհին:
Մյուս երկու երեխաները տեղափոխվել են Սուրբ Աստվածամայր» բժշկական կենտրոն: Բժիշկները երեխաների վիճակը գնահատում են ծայրահեղ ծանր, իսկ հրդեհի առաջացման հանգամանքները դեռ պարզվում են:
Լուսանկարները` Գագիկ Շամշյանի
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
