Այն, ինչ կարելի էր ՈՒկրաինային ԱԼԳ նախորդ գագաթաժողովում, չէր կարելի Հայաստանին

Բլոգոսֆերա 24 Նոյեմբեր, 2017 21:36

Ալեն Ղևոնդյանը facebook սոցցանցի իր էջում գրում է.

ԵՄ ԱրլԳԾ-ի նախորդ գագաթաժողովի(2014) վերջին պահին եվրոպական մոտեցումները մեր՝ «և-և»-ի մասով փոխվեցին՝ հանգեցվելով «կամ - կամ» (կամ մեզ հետ, կամ ԵԱՏՄ-ի/ՌԴ-ի), ու մենք առաջարկեցինք մաս-մաս ստորագրել օրակարգի համաձայնագրերը: Սակայն եվրոպացիները պնդեցին՝ կա՛մ բոլորը, կա՛մ ոչինչ: Դրանով բանակցություններ/ստորագրումը ձախողվեց:

Հետագայում, կարծեմ մեկ շաբաթ/10 օր անց, նրանք Ուկրաինայի հետ նմանօրինակ փաստաթղթի հարցում գործարկեցին մաս-մաս ստորագրել-հաստատելու սկզբունքի շրջանակներում:

Այս համատեքստում մի հատված ՀՀ նախագահի «Ազատություն» ռադիոկայանի տված հարցազրույցից:

««Ազատություն»․ - Հայաստանի համար որքա՞ն կարևոր է Եվրամիության հետ ստորագրվելիք համաձայնագիրը:

Սերժ Սարգսյան․ - Իհարկե, շատ կարևոր է, եթե կարևոր չլիներ, մենք չէինք ստորագրի: Շատ կարևոր է: Բայց ես մեկ այլ բանի համար էլ եմ ուրախ: Նախ, այստեղ խոսք գնաց այն մասին, որ մենք որոշակի ժամանակ ենք կորցրել և այլն, բայց Եվրամիության խորհրդի նախագահի, խորհրդարանի նախագահի և հանձնաժողովի նախագահի ներկայությամբ ես ասացի, որ այն ժամանակ Հայաստանը չի հրաժարվել ստորագրելուց, այլ՝ Եվրամիությունը: Ես խնդրում եմ, որպեսզի «Ազատություն»-ը գոնե էս փաստը չխեղաթյուրի, կարելի՞ է»»:

Հ.Գ. կարծում եմ վերջին նախադասությունը պակաս կարևոր չէ, որքան այն փաստը, որ հենց ԵՄ-ն չի ստորագրել պայմանագիրը և ոչ թե, ինչպես հաճախ ներկայացվում է, մենք: