Ավտովթար Աթենքի փողոցում (ՖՈՏՈ)
Գագիկ Շամշյանը հայտնում է
Երեկ` նոյեմբերի 18-ին, ավտովթար է տեղի ունեցել Երևանում:
Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 10.30-ի սահմաններում Երևան քաղաքի Աթենքի փողոցի թիվ 75 էլեկտրասյան դիմաց 74-ամյա Մաքսիմ Գևորգյանը «ՎԱԶ 21214» մակնիշի 01 ԼՍ 813 համարանիշի ավտոմեքենայով ընդհարվել է 38-ամյա Սամվել Բեգլարյանի կողմից վարվող «ՎԱԶ 21074» մակնիշի Տ 7674 համարանիշի տաքսի ավտոմեքենային:
Բախման հետևանքով Սամվել Բեգլարյանը և նրա ուղևորը` 62-ամյա Հռիփսիկ Սաղոյանը, մարմնական վնասվածքներով տեղափոխվել են «Արմենիա» բժշկական կենտրոն:
Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության Երևանի քնչական վարչության ճանապարհատրանսպորտային հանցագործությունների քննության բաժնի քննիչ Դավիթ Մարտիրոսյանը:
Նրա հանձնարարականով, երկու ավտոմեքենաները տեղափոխվել են Երևանի ՃՈ տուգանային հրապարակ:
ՈՒՂԻՂ ԵԹԵՐ
Ամենադիտված 
Մահացել է Երասխի միջնակարգ դպրոցի սան Վահե Մարգարյանը
