Դավիթ Անհաղթի փողոցից մարմնական վնասվածքներով հիվանդանոց են տեղափոխվել երկու երիտասարդներ
Գագիկ Շամշյանը հայտնում է
Այսօր' նոյեմբերի 19-ին, ժամը 22.00-ի սահմաններում, երկու երիտասարդներ տեղափոխվեցին Պռոշյան փողոցում գտնվող թիվ 3-րդ հիվանդանոց:
Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, նշված երիտասարդները հիվանդանոց են տեղափոխվել Դավիթ Անհաղթի փողոցից:
Հիվանդանոցում հավաքվածները ֆոտոլրագրող Գագիկ Շամշյանին պատմել են, որ նշված երիտասարդների վնասվածքները որովայնի շրջանում ծակող-կտրող գործիքի արդյունքում ստացված վերքերն էին:
Երիտասարդներն են' Դավիթ Անհաղթ փողոցի 16 շենքի բնակիչ, 28-ամյա Սարգիս Ալիխանյանը և Լոռու մարզի Ստեփանավան քաղաքի բնակիչ, 36-ամյա Վահագն Թաթոյանը:
Վահագն Թաթոյանի վիճակը բժիշկները գնահատում են բավարար, իսկ Սարգիս Ալիխանյանն այս պահին վիրահատարանում է:
Արդեն հիվանդանոց են ժամանել ոստիկանության Քանաքեռ-Զեյթունի բաժնի օպերատիվ-քննչական խումբը' բաժնի պետ Կարեն Հովհաննիսյանի գլխավորությամբ:
Փաստի առթիվ ոստիկանության Քանաքեռ-Զեյթունի բաժնում նյութեր են նախապատրաստվում:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
