Դասակի հրամանատարը վրաերթի է ենթարկել մի տղամարդու, ում ինքն էլ տեղափոխել է հիվանդանոց (ԼՐԱՑՎԱԾ՝ ՖՈՏՈ, ՏԵՍԱՆՅՈՒԹ)
Գագիկ Շամշյանը հայտնում է
Ինչպես դեպքի վայրից ԼՈՒՐԵՐ.com-ին հայտնել է ֆոտոլրագրող Գագիկ Շամշյանը, երեկ՝ նոյեմբերի 22-ին՝ ժամը 18.00-ի սահմաններում, Երևանի Պորույր Սևակ փողոցի թիվ 92 շենքի դիմաց 25-ամյա Վահագն Վարդանյանը, վարելով «Աուդի» մակնիշի 29 ՍՏ 045 համարանիշի ավտոմեքենան, վրաերթի է ենթարկել Ռուբինյանց փողոցի բնակիչ, 36-ամյա Արտակ Գևորգյանին:
Վրաերթից հետո վարորդը դեպքի վայրից փախուստի չի դիմել և օգնել է վրաերթի ենթարկվածին տեղափոխվելու Սուրբ Գրիգոր Լուսավորիչ բժշկական կենտրոն:
Վրաերթի վայրում քննչական աշխատանքները ղեկավարում էր ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Խաչիկ Սամվելյանը:
Նրա հանձնարարականով, ավտոմեքենան տեղափոխվել է Երևանի ՃՈ տուգանային հրապարակ:
Վրաերթի վայրում հավաքվածները ֆոտոլրագրող Գագիկ Շամշյանին պատմել են, որ վարորդը աշխատում է ՀՀ ՊՆ X զորամասում' որպես դասակի հրամանատար, կոչումով լեյտենանտ է:
Լուսանկարները՝ Գագիկ Շամշյանի
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
