ՀՀ ոստիկանապետը հրամաններ է ստորագրել. ոստիկանին ոչ հարիր պահվածքի համար աշխատանքից ազատվել է փոխգնդապետ Լևոն Շմավոնյանը

Գագիկ Շամշյանը հայտնում է 22 Նոյեմբեր, 2011 13:35

Այսօր՝ նոյեմբերի 22-ին, ՀՀ ոստիկանության պետ, գեներալ-լեյտենանտ Վլադիմիր Գասպարյանը մի շարք հրամաններ է ստորագրել:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ՀՀ ոստիկանութան պետ Վլադիմիր Գասպարյանի հրամանով, ոստիականին ոչ հարիր պահվածքի համար աշխատանքից հեռացվել է ոստիկանության քննչական գլխավոր վարչության, Երևանի քննչական վարչության Ճանապարհատրանսպորտային հանցագործությունների քննության բաժնի պետի տեղակալ, ոստիկանության փոխգնդապետ Լևոն Շմավոնյանը:

ՀՀ ոստիկանապետի մեկ այլ հրամանով, աշխատանքից ազատվել է ոստիկանության մարզական և ֆիզիկական պատրաստականության բաժնի պետ ոստիկանության գնդապետ Սուրիկ Ադամյանը:

Վերջինիս փոխարեն ՀՀ ոստիկանապետի հրամանով նշանակվել է ոստիկանության մայոր Գառնիկ Հայրապետյանը:

ՀՀ ոստիկանապետի մեկ այլ հրամանով, աշխատանքից ազատվել է ոստիկանության քննչական գլխավոր վարչության Մասիսի քննչական բաժանմունքի պետ, ոստիկանության փոխգնդապետ Կոստին Քարամյանը:

Վերջինիս փոխարեն նշանակվել է Գևորգ Սիմոնյանը, ով մինչ այդ աշխատում էր ոստիկանության քննչական գլխավոր վարչությունում:

ՀՀ ոստիկանապետի մեկ այլ հրամանով, ոստիկանության փոխգնդապետ Արամ Ավագյանը նշանակվել է ոստիկանության Նուբարաշենի բաժանմունքի պետ, մինչ այդ Ա. Ավագյանը աշխատում էր ոստիկանության կազմակերպած հանցավորության դեմ պայքարի գլխավոր վարչությունում:

Այսօր՝ նոյեմբերի 22-ին, ոստիկանության պետ, գեներալ-լեյտենանտ Վլադիմիր Գասպարյանը աշխատանքային խորհրդակցություն է անցկացրել, որին մասնակցել են ոստիկանության մարզային վարչությունների և բաժինների պետերի ծառայության գծով տեղակալները, պրոֆիլակտիկայի բաժանմունքի պետերը, ՊՊԾ հրամանատարները, ՁՊՎ պետերը և ՃՈ գումարտակների և վաշտերի հրամանատարները:

Ֆոտոլրագրող Գագիկ Շամշյանը հայտնում է, որ իր տեղեկություններով ՀՀ ոստիկանապետը խորհրդակցության ժամանակ կրկին անգամ խիստ հանձնարարականներ է տվել, որպեսզի ոստիկանների մոտ բացառվի էթիկայի նորմերի խախտումները, քաղաքացիների հանդեպ լինեն հարգալից, բարեկիրթ և ոստիկանությունում չլինեն անհարկի միջնորդություններ, իսկ նման դեպքերում միջնորդությամբ հանդես եկած ոստիկանը խիստ պատժվելու է: