Ավտովթար Երևանում. «Մերսեդես»-ն ու «Շկոդա»-ն բախվել են իրար, կա վիրավոր (ԼՐԱՑՎԱԾ՝ ՖՈՏՈ, ՏԵՍԱՆՅՈՒԹ)

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 05.00-ի սահմաններում Երևանի Թումանյան-Մաշտոց փողոցների խաչմերուկում իրար են բախվել «Մերսեդես» մակնիշի 77 LV 771 համարանիշի և «Լիաստղ» տաքսի ծառայությանը պատկանող «Շկոդա» մակնիշի Տ 2810 համարանիշի ավտոմեքենաները:

Վթարի հետևանքով «Մերսեդես»-ի վարորդը` 25-ամյա Մառլեն Մուրադյանը, տեղափոխվել է հիվանդանոց:

Դեպքի վայր էր ժամանել ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Խաչիկ Սամվելյանը:

Նրա հանձնարարականով, երկու ավտոմեքենաներն էլ տեղափոխվեցին ԵՐևանի ՃՈ տուգանային հրապարակ:

Փաստի առթիվ ՃՏՀ քննության բաժնում նյութեր են նախապատրաստվում:

Լուսանկարները՝ Գագիկ Շամշյանի