Լոռու մարզի փրկարարները կարողացել են Դեբեդ գետից դուրս բերել ինքնասպանին (ՖՈՏՈ)
Գագիկ Շամշյանը հայտնում է
Այսօր` նոյեմբերի 25-ին ինքնասպանության փորձ է տեղի ունեցել Լոռու մարզում:
Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 17:00-ի սահմաններում Ալավերդի քաղաքի Թումանյան փողոցի տարածքում ինքնասպանություն կատարելու նպատակով իրեն Դեբետ գետն է նետել նույն քաղաքի բնակիչ, մշտական բնակության վայր չունեցող 33-ամյա Արթուր Բաբայանը: Շտապ դեպքի վայր են ժամանել ՀՀ Արտակարգ իրավիճակների նախարարության Հայաստանի փրկարար ծառայության, Լոռու մարզի փրկարար վարչության Թումանյանի հրշեջ փրկարարները:
Փրկարարներին հաջողվել է գետից դուրս բերել Արթուր Բաբայանին և հանձնել ոստիկանության Թումանյանի բաժնի և 1-03 ծառայության աշխատակիցներին: Դեպքի վայրում հավաքվածները հայտնում էին, որ Ա. Բաբայանը եղել է ոչ սթափ վիճակում:
Փաստի առթիվ ոստիկանության քննչական գլխավոր վարչության Լոռու մարզի քննչական բաժնում նյութեր են նախապատրաստվում:
Լուսանկարները՝ Գագիկ Շամշյանի
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
