Դալմայի այգիներում հայտնաբերվել է տղամարդու դիակ. դիակի մոտ թափված են եղել ներարկիչներ (ՖՈՏՈ, ՏԵՍԱՆՅՈՒԹ)
Գագիկ Շամշյանը հայտնում է
Այսօր` նոյեմբերի 28-ին, տղամարդու դիակ է հայտնաբերվել Երևանում:
Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 15.30-ի սահմաններում անհայտ քաղաքացին ահազանգել է ոստիկանության Մալաթիայի բաժին և հայտնել, որ Իսակովի պողոտային հարակից Դալմայի այգիներում` կիսակառույց մի շինության մեջ, տղամարդու դիակ կա:
Նշված վայր են մեկնել ոստիկանության Մալաթիա-Սեբաստիա բաժնի օպերատիվ խումբը` բաժնի պետ Լևոն Յազիչյանի գլխավորությամբ:
Դեպքի վայրում` կիսակառույց շինության մեջ, մահճակալի վրա, հայտնաբերվել է մի տղամարդ` մահացած վիճակում: Կիսակառույցում ամբողջովին տիրում էր հակասանիտարական վիճակ և գարշահոտություն:
Դեպքի վայր ժամանած դատաբժշկի զննումից, ըստ նախնական եզրակացության, դիակի վրա բռնության հետքեր չկան:
Ոստիկանության քննչական գլխավոր վարչության Երևանի քննչական վարչության Մալաթիա-Սեբաստիայի քննչական բաժնի ավագ քննիչ Սերգեյ Առաքելյանի կողմից նշանակվել են մի շարք փորձաքննություններ, այդ թվում` դիակի դատաբժշկական:
Օպերատիվ-քննչական խումբը պարզել է, որ մահացածը Նորագավիթ 6-րդ փողոցի բնակիչ, 34-ամյա Արման Միրզախանյանն էր:
Ֆոտոլրագրող Գագիկ Շամշյանը հայտնում է նաև, որ դիակի մոտ հայտնաբերվել են ներարկիչներ, ինչը քննիչի կողմից առգրավվել է:
Լուսանկարները և տեսանյութը` Գագիկ Շամշյանի
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
