ՀՔԾ քննիչ Արմեն Նադիրյանը «Նիսսան Պայտֆայնդեր»-ով վթար է ենթարկվել (Թարմացված` ֆոտո)

Այսօր` նոյեմբերի 29-ին, ավտովթար է տեղի ունեցել Կոտայքի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 21.00-ի սահմաններում «Նիսսան Պայտֆայնդեր» մակնիշի 067 ՏՕ 01 համարանիշի ավտոմեքենայի վարորդը Սևան-Երևան ավտոճանապարհի Հրազդանի հատվածում դուրս է եկել ճանապարհի երթևեկելի գոտուց և շրջվել ձորը:

Դեպքի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի աշխատակիցները' վաշտի հրամանատար Արսեն Գրիգորյանի գլխավորությամբ:

Ժամանել էին նաև ոստիկանության Կոտայքի մարզային վարչության օպերատիվ խումբը' վարչության պետի տեղակալ Կորյուն Հարությունյանի գլխավորությամբ:

Դեպքի վայրում ֆոտոլրագրող Գագիկ Շամշյանին հայտնի է դարձել, որ նշված ավտոմեքենան վարել է Հայաստանի հատուկ քննչական ծառայության քննիչ Արմեն Նադիրյանը, ով ավելի ուշ' վթարից հետո, բուժզննման նպատակով տեղափոխվել է Սուրբ Գրիգոր Լուսավորիչ բժշկական կենտրոն:

Գլխիվայր շրջված ավտոմեքենան ձորից դուրս է բերվել վերամբարձ կռունկի օգնությամբ:

Լուսանկարները` Գագիկ Շամշյանի