Վրաերթ Խանջյան փողոցում. մոտ 50 տարեկան տղամարդը տեղում մահացել է, վարորդը դիմել է փախուստի (ՖՈՏՈ)
Գագիկ Շամշյանը հայտնում է
Այսօր` դեկտեմբերի 1-ին, վրաերթ է տեղի ունեցել Երևանում:
Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, առավոտյան` ժամը 07.40-ի սահմաններում, Խանջյան փողոցում անհայտ մակնիշի ավտոմեքենայի վարորդը վրաերթի է ենթարկել հետիոտնին և թողնելով անօգնական` դիմել է փախուստի:
Հետիոտնը տեղում մահացել է: Նա անցնելիս է եղել հետիոտնի համար չնախատեսված հատվածում:
Դեպքի վայր են ժամանել Ճանապարհային ոստիկանության 1-ին սպայական գումարտակի աշխատակիցները:
Դեպքի վայրում քննչական աշխատանքները ղեկավարում է ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ Արտաշ Վանյանը:
Ոստիկանությունը ձեռնարկում է օպերատիվ-քննչական գործողություններ` պարզելու վրաերթի ենթարկվածի ինքնությունը և հայտնաբերելու վրաերթ կատարած վարորդին:
Վրաերթի ենթարկվածը 50-60 տարեկան տղամարդ էր:
Դեպքի վայր էին ժամանել նաև ոստիկանության փորձաքրեագիտական վարչության փորձաքրեագետները:
Լուսանկարները` Գագիկ Շամշյանի
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
