Վթար–վրաերթ մահվան ելքով. 3 հոգի մահացել է՝ 1-ը գտնվում է հիվանդանոցում (ԼՐԱՑՎԱԾ՝ ՖՈՏՈ)
Գագիկ Շամշյանը հայտնում է
Երեկ` նոյեմբերի 30-ին, ավտովթար-վրաերթ է տեղի ունեցել Արագածոտնի մարզում:
Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 23.45-ի սահմաններում Արագածոտնի մարզի Սասունիկ գյուղի բնակիչ, 38-ամյա Արարատ Մուրադյանը, վարելով «ՎԱԶ 2107» մակնիշի 21 ՕՕ 984 համարանիշի ավտոմեքենան, Աշտարակ-Էջմիածին ավտոճանապարհի 2-րդ կմ-ում բախվել է ճամփեզրին կայանված «ՎԱԶ 2107» մակնիշի 11 ԼԼ 074 համարանիշի ավտոմեքենային:
Բախումից հետո Արարատ Մուրադյանը վրաերթի է ենթարկել «ՎԱԶ 2107» մակնիշի 11 ԼԼ 074 համարանիշի ավտոմեքենայի մոտ կանգնած, Գիտավան թաղամասի բնակիչ, 21-ամյա Արամ Սիմոնյանին, Սևան քաղաքի բնակիչ, 20-ամյա Գագիկ Հովսեփյանին, 27-ամյա Հարություն Միրզախանյանին և Կոտայքի մարզի Մրգաշեն գյուղի բնակիչ, 31-ամյա Վահան Սահակյանին:
Վրաերթի հետևանքով Ա. Սիմոնյանն ու Վ. Սահակյանը տեղում մահացել են, իսկ Գ. Հովսեփյանն ու Հ. Միրզախանյանը մարմնական վնասվածքներով տեղափոխվել են Աշտարակի հիվանդանոց:
Աշտարակի հիվանդանոցում Հ. Միրզախանյանը լուսաբացին մահացել է:
Դեպքի վայր էին ժամանել ոստիկանության քննչական գլխավոր վարչության Արագածոտնի քննչական բաժնի քննիչները` քննչական բաժնի պետ Ալբերտ Երիցյանի գլխավորությամբ:
Նույն բաժնի քննիչ Կոստանդյանի կողմից հարուցվել է քրեական գործ` ՀՀ քրօր.-ի 242 հոդվածի 3-րդ մասի հատկանիշներով:
Ավտոմեքենաները տեղափոխվել են ոստիկանության Աշտարակի բաժնի տուգանային հրապարակ:
Լուսանկարները՝ Գագիկ Շամշյանի
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
