«Ֆորդ Տրանզիտը»-ը բախվել է «Ուազ»-ին, «Ֆորդ Տրանզիտ»-ի վարորդը եղել է ոչ սթափ վիճակում (ֆոտո, տեսանյութ)

Այսօր՝ դեկտեմբերի 1-ին, ավտովթար է տեղի ունեցել Կոտայքի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 18:00-ի սահմաններում Երևան-Սևան ավտոճանապարհի 20-րդ կիլոմետրին «Ֆորդ-Տրանզիտ» մակնիշի 658 ՏՍ 42 համարանիշի ավտոմեքենան դեպի Երևան գալուց հարվածել է իր դիմացով ընթացող բեռնատար «Ուազ» մակնիշի 144 ԼՏ 62 համարանիշի ավտոմեքենային:

Վթարի հետևանքով «Ֆորդ Տրանզիտ»-ը կողաշրջվել է հենց ճանապարհի մեջտեղում:

Դեպքի վայր են ժամանել ճանապարհային ոստիկանության 2-րդ սպայական գումարտակի աշխատակիցները՝ 2-րդ սպայական գումարտակի հրամանատար Արսեն Արշակյանի գլխավորությամբ:

Բարեբախտաբար, զոհեր և վիրավորներ չկան, սակայն «Ֆորդ Տրանզիտի» վարորդի վրա կային արյան հետքեր, ով հրաժարվեց մեկնել հիվանդանոց, ինչքան էլ ճանապարհային ոստիկանության աշխատակիցները փորձում էին հորդորել, որպեսզի նա համաձայնվի մեկնելու հիվանդանոց:

«Ֆորդ Տրանզիտ» ավտոմեքենայի վարորդը ոստիկաններին չէր կարողանում ասել իր անուն-ազգանունը, իր տվյալները, կամ հրաժարվում էր ասել:

Նա ոչ սթափ վիճակում էր, քանի որ նրա վրայից «փչում» էր ալկոհոլի հոտը:

Փաստի առթիվ ճանապարհային ոստիկանության 2-րդ սպայական գումարտակի հետաքննիչը նյութեր է նախապատրաստում:

Լուսանկարները և տեսանյութը՝ Գագիկ Շամշյանի

{gallery}shamshyan/tranzit-uaz{/gallery}