Տաքսիները բախվել են իրար, վարորդը վերակենդանացման բաժանմունքում է (ֆոտո)

Երեկ՝ դեկտեմբերի 1-ին, ավտովթար է տեղի ունեցել Երևանում:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 11.30-ի սահմաններում, Նոր Արեշի 50-րդ փողոցում իրար են բախվել 58-ամյա Վարդան Վարդանյանի վարած «ՎԱԶ-2107»մակնիշի Տ 5941 համարանիշի և 30-ամյա Գևորգ Խաչատրյանի վարած «Նիսսան» մակնիշի Լ 0447 համարանիշի ավտոմեքենաները:

Վթարի հետևանքով «ՎԱԶ-2107»-ի վարորդը մարմնական վնասվածքով տեղափոխվել է «Էրեբունի» բժշկական կենտրոն, այս պահին էլ գտնվում է վերակենդանացման բաժանմունքում:

Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության, Երևանի քննչական վարչության Ճանապարհատրանսպորտային հանցագործությունների քննության բաժնի քննիչ Կարեն Գրիգորյանը:

Վերջինիս հանձնարարականով, ավտոմեքենաները տեղափոխվեցին Երևանի ՃՈ տուգանային հրապարակ:

Լուսանկարները՝ Գագիկ Շամշյանի

{gallery}shamshyan/taxi011211{/gallery}