Ավտովթար` Արմավիրում. «ԲՄՎ»-ն ու «Մերսեդեսը» բախվել են իրար. կա 6 վիրավոր (ԼՐԱՑՎԱԾ) (ֆոտո)

Գագիկ Շամշյանը հայտնում է 5 Դեկտեմբեր, 2011 7:14

Այսօր` դեկտեմբերի 5-ին, ավտովթար է տեղի ունեցել Արմավիրի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, առավոտյան` ժամը 09.00-ի սահմաններում, Արմավիր քաղաքում' Երևանյան փողոցի վերջնամասում, դեպքի Բաղրամյան գնացող ճանապարհին, իրար են բաժվել «ԲՄՎ» մակնիշի 30 ՕԼ 536 համարանիշի և «Մերսեդես» մակնիշի 20 ԼՏ 124 համարանիշի ավտոմեքենաները:

«ԲՄՎ»-ն վարել է Արմավիր քաղաքի բնակիչ, 47-ամյա Արտաշես Մարգարյանը, իսկ »Մերսեդես»-ը` Արմավիրի մարզի Խանջյան գյուղի բնակիչ, 26-ամյա Վարշամ Պոչիկյանը:

Բախման հետևանքով երկու ավտոմեքենաների վարորդներն ու 4 ուղևորներ, մարմնական վնասվածքներով տեղափոխվել են Արմավիրի հիվանդանոց:

Ուղևորներն են՝

1. Սյուզաննա Մարգարյանը, 20 տ, Արմավիր քաղաքի բնակիչ, «ԲՄՎ»-ի ուղևոր,

2. Տաթևիկ Հակոբյանը, 18 տ, Արմավիրի մարզի Խանջյան գյուղի բնակիչ, «Մերսեդես»-ի ուղևոր,

3. Լուսինե Արոյանը, 18 տ, Արմավիրի մարզի Խանջյան գյուղի բնակիչ, «Մերսեդես»-ի ուղևոր,

4. Մարիամ Հակոբյանը, 18 տ, Արմավիրի մարզի Խանջյան գյուղի բնակիչ, «Մերսեդես»-ի ուղևոր:

Այս պահին դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 1-ին դասակի տեսուչները, ինչպես նաև ոստիկանության քննչական գլխավոր վարչության Արմավիրի քննչական բաժնի քննիչները:

Դեպքի վայրում է նաև Արմավիրի ոստիկանության օպերատիվ խումբը:

Ժամանել են նաև ապահովագրական ընկերության ներկայացուցիչները:

Արդեն դեպքի վայր են բերվել քարշակ ավտոմեքենաները, որպեսզի վթարված մեքենաները տեղափոխվեն ոստիկանության Արմավիրի բաժնի տուգանային հրապարակ:

Վթարը տեղի է ունեցել բենզալցակայանի հարևանությամբ: Բարեբախտաբար, բենզալցակայանի երկաթյա ճաղավանդակները կարողացել են պահել մեքենայի առաջխաղացումը, հակառակ դեպքում, հնարավոր էր, մեքենան մխրճվեր բենզալցակայանի մեջ, ինչն `էլ շատ ավելի լուրջ ողբերգական հետևանքներ կունենար:

Լուսանկարները` Գագիկ Շամշյանի

{gallery}shamshyan/avtovtar-armavirum-051211{/gallery}