Սառցակալած ճանապարհի պատճառով մի քանի ավտոմեքենաներ վթարի են ենթարկվել (ՖՈՏՈ)
Գագիկ Շամշյանը հայտնում է
Այսօր` դեկտեմբերի 5-ին, ավտովթար է տեղի ունեցել Գեղարքունիքի մարզում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 20.00-ի սահմաններում Սևան-Մարտունի-Գետափ ավտոճանապարհի 31-րդ կմ-ում մի քանի ավտոմեքենաներ դուրս են եկել երթևեկելի գոտուց և վթարի ենթարկվել:
Վթարի հիմնական պատճառը մոտ 2-3 կիլոմետրանոց սառցակալած ճանապարհն է եղել:
Ֆոտոլրագրող Գագիկ Շամշյանը նշում է, որ ակնհայտ երևում է, որ այդ հատվածում ընդհանրապես որևէ մաքրման աշխատանք չի կատարվել. ո՛չ աղ է լցվել, ո՛չ ավազ:
Ֆոտոլրագրողը հիշեցնում է, որ մի քանի օր առաջ Գեղարքունիքի մարզպետը ամպագոռգոռ հայտարարություններ էր անում, թե մաքրման առումով իր մարզը իդեալական վիճակում է, անանցանելի ճանապարհներ չկան, և ցանկացած ավտոմեքենա կարող է իր մարզով երթևեկել:
Ստացվում է, որ մարզպետի ասածը փուչիկ է:
Այս պահին արդեն դեպքի վայրում են Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի տեսուչները և հետաքննիչը:
Բարեբախտաբար, վթարի հետևանքով զոհեր և վիրավորներ չկան:
Դեպքի վայր են ժամանել նաև «Գարանտ լիմենս» ապահովագրական ընկերության աշխատակիցները:
Լուսանկարները` Գագիկ Շամշյանի:
{gallery}shamshyan/Sevan{/gallery}
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
