Սևանում հնչել են կրակոցներ. ըստ սևանցիների՝ Սևանում անպատժելիության սառույցը կոտրվում է (ՖՈՏՈ, ՏԵՍԱՆՅՈՒԹ)

Ոստիկանության Գեղարքունիքի մարզի Սևանի բաժնում նյութեր են նախապատրաստվում տեղի ունեցած վիճաբանության փաստով: Ինչպես Գեղարքունիքի մարզից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ոստիկանության Սևանի բաժնում օպերատիվ տեղեկություններ են ստացվել, որ դեկտեմբերի 4-ին Երևան-Սևան ավտոմայրուղու վրա գտնվող Օրսետո ռեստորանային համալիրում՝ ժամը 17:00-ից 18:00-ի սահմաններում, մի խումբ անձանց միջև տեղի է ունեցել վիճաբանություն, որի ընթացքում, ըստ սևանցիների, հնչել է մեկ կամ երկու կրակոց:

Ֆոտոլրագրող Գագիկ Շամշյանը հայտնեց, որ իրեն հայտնի է դարձել, որը հաստատել են Սևանի բնակիչները, ովքեր չեն ցանկացել ներկայանալ, սակայն պատմել են, որ, նշված փաստով ոստիկանության Գեղարքունիքի մարզային վարչության, և Սևանի բաժնի աշխատակիցների կողմից ձեռնարկված օպերատիվ հետախուզական գործողությունների արդյունքում, նշված ռեստորանային համալիրում տեղի ունեցած վիճաբանության փաստով, արդեն մի քանի հոգի բերման են ենթարկվել ոստիկանության Սևանի բաժին: Սևանցիները ֆոտոլրագրողին պատմել են, որ վիճաբանության մեջ նշվում է տեղական կառույցի պաշտոնյաների զավակների անուններ, ինչպես նաև վիճաբանությանն ակտիվ մասնակցություն է ունեցել մի քանի անգամ այդ թվում նաև ավազակային հարձակման համար դատապարտված Սևանում հայտնի «կեղծ բարերար» անվամբ Ռազը: Սակայն ֆոտոլրագրողին հայտնի է դարձել, որ հնչած կրակոցների արդյունքում, հրազենային վնասվածք է ստացել ինչ-որ անձ, ինչի մասին հայտնել են սևանցիները, սակայն հիվանդանոցային ոչ մի համալիրից ոստիկանություն ահազանգ չի ստացվել: Սևանցիները պատմել են նաև, որ կրակոց արձակողը եղել է «Բարգավաճ Հայաստան» կուսակցության անդամ, սակայն դա պետք է պարզի նախաքննությունը։ Ֆոտոլրագրողի հետ զրույցում պատմել են, որ ոստիկանությունը Գեղարքունիքի մարզում կարողացել է կոտրել անպատժելիության սառույցը։ Նրանք նաև զրույցում արտահայտվել են թե՝ «Շամշյան ջան, ոստիկանությունը եթե ուզենա, կարող է ճշտել նաև, թէ ինչ պատճառով ահազանգ չի ստացվել հիվանդանոցից»: Այդ ուղղությամբ ֆոտոլրագրողի տեղեկություններով ոստիկանությունը ձեռնարկում է անհրաժեշտ օպերատիվ աշխատանքներ: Փաստի առթիվ ոստիկանության Գեղարքունիքի մարզի Սևանի բաժնում նյութեր են նախապատրաստվում:

Լուսանկարները և տեսանյութը՝ Գագիկ Շամշյանի

{gallery}shamshyan/Sev-0{/gallery}