Ավտովթարի հետևանքով, Մերսեդեսը բախվել է ծառին` Հասմիկ Կարապետյանը տեղափոխվել է հիվանդանոց (ֆոտոշարք, տեսանյութ)

Դեկտեմբերի 7-ին ավտովթար է տեղի ունեցել Երևանում: Ինչպես դեպքի վայրից ԼՈՒՐԵՐ.com-ին հայտնեց ֆոտոլրագրող Գագիկ Շամշյանը, ժամը 21.30-ի սահմաններում Պարույր Սեւակ փողոցում իրար են բախվել «Մերսեդես» մակնիշի 07 ԼՍ 200 համարանիշի և «Ֆոլքսվագեն Գոլֆ» մակնիշի 13 ՏԼ 080 համարանիշի ավտոմեքենաները:

Բախման հետևանքով «Մերսեդեսը» դուրս է եկել ճանապարհի երթևեկելի գոտուց և հարվածել ծառին: Դեպքի վայր են ժամանել ՃՈ 1-ին սպայական գումարտակի աշխատակիցներն ու ոստիկանության Քանաքեռ-Զեյթունի բաժնի պարեկապահակային ծառայության ոստիկանները: 

Վթարի վայրից մարմնական վնասվածքներով Միքայելյանի անվան հիվանդանոց է տեղափոխվել Հասմիկ Կարապետյանը: Վթարի վայրում քննչական աշխատանքները ղեկավարում է ոստիկանության Քննչական Գլխավոր Վարչության Երևանի քննչական վարչության Ճանապարհատրանսպորտային հանցագործությունների քննության բաժնի քննիչ Արսեն Մարգարյանը: Նրա հանձնարարականով մեքենաները տեղափոխվում են Երեւանի ՃՈ տուգանային հրապարակ:

Լուսանկարները և տեսանյութը՝ Գագիկ Շամշյանի

{gallery}shamshyan/Hasmik{/gallery}