Ողբերգական ավտովթարի հետևանքով մահացածները 21-ամյա երիտասարդներ են (ֆոտո, տեսանյութ)

Գագիկ Շամշյանը հայտնում է 8 Դեկտեմբեր, 2011 13:31

Ինչպես երեկ՝ դեկտեմբերի 7-ին, դեպքի վայրից ԼՈՒՐԵՐ.com-ին հայտնել է ֆոտոլրագրող Գագիկ Շամշյանը, խոշոր ավտովթար է տեղի ունեցել Երևանում:

Քիչ առաջ ֆոտոլրագրող Գագիկ Շամշյանը հայտնեց, որ արդեն հայտնի են ավտովթարի հետևանքով մահացածների տվյալները: Վարորդը Կոտայքի մարզի Գողթ գյուղի բնակիչ 21-ամյա Ռուբիկ Մանուկյանն է, իսկ ուղևորները նույն մարզի բնակիչներ 21-ամյա Ռազմիկ Մովսիսյանն ու Նորեկ Թորոսյանը:

Հիշեցնենք, որ Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 23:50-ի սահմաններում Ռուբիյանց 110 էլեկտրասյան դիմաց ՎԱԶ 2102 մակնիշի 43 LO 106 համարանիշի ավտոմեքենայի վարորդը դուրս է եկել հանդիպակաց ուղեմաս և ընթարվել BMW մակնիշի 28 UL 338 համարանիշի ավտոմեքենային:

Բախման հետևանքով հրդեհ է բռնկվել ՎԱԶ 2102 ավտոմեքենայի մեջ, ինչի հետևանքով վարորդն ու երկու ուղևորները հենց ավտոմեքենայի մեջ այրվել, մոխրացել են:

Արդեն դեպքի վայր են ժամանել Երևանի ճանապարհային ոստիկանության մեծ թվով աշխատակիցներ` Երևանի ՃՈ պետ Եղիշե Ենգիբարյանի գլխավորությամբ:

Ավտոմեքենայում առաջացած հրդեհը մարելու և մահացածների մարմինները դուրս բերելու համար ժամանել էին ՀՀ արտակարգ իրավիճակների նախարարության Հայաստանի փրկարար ծառայության, Երևանի փրկարական վարչության հրշեջ-փրկարարները, փրկարար ծառայության օպերատիվ վարչության պետ Արման Ցոլակյանի գլխավորությամբ:

Ժամանել էին ոստիկանության քննչական գլխավոր վարչության, Երևանի քննչական վարչության ճանապարհատրանսպորտային հանցագործությունների քննության բաժնի քննիչները` բաժնի պետ Արտավազդ Ղազարյանի գլխավորությամբ:

Դեպքի վայրում աշխատում են նաև ոստիկանության փորձաքրիագիտական կենտրոնի փորձագետներն ու առողջապահության նախարարության դատական բժիշկը:

Ականատեսները ֆոտոլրագրող Գագիկ Շամշյանին պատմել են, որ ՎԱԶ 2102-ը դուրս է եկել հանդիպակած գոտի, քանի որ փողոցի նշված հատվածում արդեն մի քանի ամիս է իրականացվում են խողովակների ապամոնտաժման աշխատանքներ, իսկ փողոցի միջնամասում գտնվող մի զգալի հատված լցված են խճաքարերով ասֆալտապատված չէ և բացակայում են շինարարության մասին զգուշացնող համապատասխան նշանները:

Ֆոտոլրագրողը հայտնում է, որ BMW վարորդը Երևանի Վարդանաց փողոցի բնակիչ 26-ամյա Կարեն Կարապետյանն է, ով վթարից հետո բուժօգնություն է ստացել Երևանի թիվ 3 կլինիկական հիվանդանոցում, իսկ ՎԱԶ 2102ը հաշվառված է Կոտայքի մարզի Գողթ Գյուղի բնակիչ Սոֆիկ Մանուկյանի անվամբ:

Փաստի առթիվ ոստիկանության քննչական գլխավոր վարչության, Երևանի քննչական վարչության ճանապարհատրանսպորտային հանցագործությունների քննության բաժնի քննիչ Արսեն Մարգարյանի կողմից հարուցվել է քրեական գործ ՀՀ քր օր-ի 242 հոդվածի 3-րդ մասի/ ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է 2, կամ ավելի մարդու մահ/ հատկանիշներով: Մահացած 3-ն էլ տղաներ են:

Մեքենաները տեղափոխվել են Երևանի ՃՈ տուգանային հրապարակ:

Լուսանկարները և տեսանյութը՝ Գագիկ Շամշյանի

{gallery}shamshyan/3-mah{/gallery}