Մի քանի երիտասարդներ հարձակվել են ֆոտոլրագրող Գագիկ Շամշյանի վրա խոշոր ավտովթարը նկարահանելիս (Թարմացված` ֆոտո)

Դեկտեմբերի 8-ին խոշոր ավտովթար է տեղի ունեցել Երևանում:

Ինչպես դեպքի վայրից ԼՈՒՐԵՐ.com-ին հայտնեց ֆոտոլրագրող Գագիկ Շամշյանը, ժամը 20:20-ի սահմաններում Խանջյան փողոցից դեպի Հերացի փողոց բարձրացող թունելում իրար են բախվել 4 ավտոմեքենա, այդ թվում, «Մերսեդես», «Օպել Վեկտրա», «Վազ 2106» և «Վազ 2107» մակնիշի ավտոմեքենաներ: Այս պահին 1 հոգի մարմնական վնասվածքներով տեղափոխվեց հիվանդանոց:

Դեպքի վայր են ժամանել, ԱԻՆ Հայաստանի փրկարար ծառայության փրկարարները, ինչպես նաև ոստիկանության` Երևան քաղաքի վարչության, պարեկապահակային ծառայության աշխատակիցները, ովքեր մեքենայից դուրս բերեցին վիրավորին:

Ժամանել են նաև Երևանի ՃՈ մեծ թվով աշխատակիցներ: Նշված հատվածում երթևեկությունը մասամբ կաթվածահար է եղել, այդ իսկ պատճառով դեպքի վայր են ժամանել Երևանի ՃՈ մի քանի անձնակազմ:

Արդեն դեպքի վայրում են ոստիկանության ՔԳՎ, Երևանի քննչական վարչության ճանապարհատրանսպորտային հանցագործությունների բաժնի, հատկապես կարևորագույն գործերով ավագ քննիչ Գագիկ Հարությունյանը:

Դեպքի վայրում վիճակը լարված է քանի որ հավաքվել են տաքացած երիտասարդներ, այդ մասին տեղեկացվել է ոստիկանության Կենտրոնականի բաժնի պետը, ով խոստացել է լրացուցիչ ուժեր ուղարկել դեպքի վայր, սակայն ահազանգից 10 րոպե անց դեռևս ոստիկանները չեին ժամանել:

Ֆոտոլրագրողը հայտնեց նաև որ «Մերսեդես» ավտոմեքենայի ուղևորները, մի քանի երիտասարդ հարձակվել են իր վրա փորձելով խլել տեսախցիկը, բարեբախտաբար ոստիկանները կարողացել են նրանցից մի քանիսին բռնել, սկայն մինչ այդ նրանք քաշքշել են Գագիկ Շամշյանին, հարվածել դեմքին եվ հայհոյել: Այս պահին Գագիկ Շամշյանը գտնվում է ոստիկանության Կենտրոնականի բաժնում որտեղ հայտարարություն է տալիս, այն մասին, որ «Մերսեդես» ավտոմեքենայի տերերն ու նրանց ընկերները հարձակվել են ֆոտոլրագրողի վրա ով իր մասնագիտական աշխատանքն էր կատարում, հարբած երիտասարդները հարվածել են ֆոտոլրագրողին, ձեռքից խլել բջջային հեռախոսը, ժամացույցը, փորձել են խլել նաև ֆոտոխցիկը, ու դիմել փախուստի:

Լուսանկարները` Գագիկ Շամշյանի

{gallery}shamshyan/cecel-en{/gallery}