Կրակոց է հնչել Հայ-Ռուսական (Սլավոնական) համալսարանում

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 16:00-ի սահմաններում կրակոց է հնչել Արաբկիր վարչական շրջանում գտնվող Հայ-ռուսական (սլավոնական) համալսարնում:

 

Ֆոտոլրագրող Գագիկ Շամշյանը հայտնում է, որ ականատեսներն իրեն պատմել են, որ կրակոցի պատճառը եղել է այն, որ նշված բուհում մի քանի ուսանողներ իրար հետ վիճաբանելուց են եղել:

 

Այդ ժամանակ նրանց է մոտեցել այդ բուհի անվտանգության ծառայության աշխատակիցը և փորձել է կարգի հրավիրել:

 

Այդ ժամանակ ուսանողներից մեկը իր մոտ եղած գազային ատրճանակով կրակել և դիմել է փախուստի:

 

Արդեն ոստիկանության Արաբկիրի բաժնի աշխատակիցները ձեռնարկված օպերատիվ ինֆորմացիայի արդյունքում պարզել են վիճաբանության հիմնական մասնակիցներին և կրակողներին:

 

Նախաքննության շահերից ելնելով՝ այս պահին ֆոտոլրագրող Գագիկ Շամշյանը  չի հայտնում նրանց ինքնությունը:

 

Փաստի առթիվ ոստիկանության Արաբկիրի բաժնի հետաքննչական բաժանմունքում հետաքննություն է սկսվել: