Խոշոր հրդեհ` Երևանում. փրկարարներին հաջողվել է մարել այն բարդ և վտանգավոր իրավիճակում (ՖՈՏՈ, ՏԵՍԱՆՅՈՒԹ)

Այսօր՝ դեկտեմբերի 10-ին, խոշոր հրդեհ է բռնկվել Երևանում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 01.16-ին Արտակարգ իրավիճակների նախարարության ճգնաժամային կառավարման կենտրոն ահազանգ է ստացվել, որ հրդեհ է բռնկվել Երևանի Բուզանդի փողոցի թիվ 34 շենքի տանիքում:

Նախ դեպքի վայր են մեկնել 2 մարտական հաշվարկ և 1 ավտոսանդուղք: Դեպքի վայր հասնելով՝ փրկարարներն ահազանգել են հրդեհի թիվ 3 բարդության աստիճանի վերաբերյալ, և դեպքի վայր են մեկնել ԱԻՆ ՃԿԿ-ի և Փրկարարական ուժերի վարչության օպերատիվ խմբերը՝ ևս 8 մարտական հաշվարկով և 1 ավտոսանդուղքով:

Հրդեհաշիջման աշխատանքներն իրականացվել են առանձնահատուկ բարդ և վտանգավոր իրավիճակում. վտանգ է եղել, որ հրդեհը կարող է տարածվել շենքի 12-րդ հարկում գտնվող լաստակալի և հարևանության գնվող 4-հարկանի բնակելի շենքի վրա: Սակայն փրկարարներին հաջողվել է ընկնող այրվող տարրերի արագ շիջման և բնակելի շենքի տանիքի ջրահովացման միջոցով կանխել հրդեհի հետագա տարածումը:

Հրդեհը մեկուսացվել է ժամը 02.25-ին, մարվել՝ 03.11-ին:

Այրվել են կառուցվող շենքի 16-րդ հարկում մոնտաժված փայտակաղապարները՝ 400 քմ:

Լուսանկարները և տեսանյութը՝ Գագիկ Շամշյանի

{gallery}shamshyan/Hrdeh-1{/gallery}