Խոշոր ավտովթար` Հալաբյան փողոցում (ՖՈՏՈ, ՏԵՍԱՆՅՈՒԹ)

Ինչպես ԼՈՒՐԵՐ.com-ին դեպքի վայրից հայտնեց ֆոտոլրագրող Գագիկ Շամշյանը, այսօր` դեկտեմբերի 11-ին, խոշոր ավտովթար է տեղի ունեցել Երևանում:

Հալաբյան փողոցում իրար են բախվել 4 ավտոմեքենա. դեպքի վայրում հավաքվածները ֆոտոլրագրողին պատմել են, որ ըստ նախնական տեղեկությունների ավտովթարի մեղավորը Հայինկասացիայի ավտոմեքենան է:

Դեպքի վայր ժամանած ՃՈ աշխատակիցները սակայն հայտնել են դեռևս պարզ չէ թե դա Հայինկասացիայի մեքենա է, թե նախկինում է պատկանել այդ կազմակերպությանը: Վնասված մեքենաներն են արդեն նշված Հայինկասացիայի մեքենան, Լադա մակնիշի ավտոմեքենան, և եվս 2 մեքենաներ ԲՄՎ X5 մակնիշի 81 DD 800 և Տոյոտա մակնիշի 001 TT 55 համարանիշների:

Դեպքի վայր են ժամանել Երևանի ՃՈ աշխատակիցները, առաջին սպայական գումարտակի, առաջին սպայական վաշտի հրամանատար Կարեն Ներսիսյանի գլխավորությամբ: Դեպք վայրում քննչական աշխատանքները ղեկավարում է ոստիկանության քննչական գլխավոր վարչության, Երևանի քննչական վարչության, ճանապարհատրանսպորտային հանցագործությունների քննության բաժնի քննիչ, Հարութ Խալաթյանը, նրա հանձնարարականով 4 ավտոմեքենաները տեղափոխվում են Երևանի ՃՈ տուգանային հրապարակ:

Ֆոտոլրագրողը հայտնեց նաև որ, Հայինկասացիայի ավտոմեքենան վարել է 1987 թ. ծնված Նարեկ Խաչատրյանը, ով ենթարկվել է բժշկական փորձաքննության պարզելու համար նրա սթափության աստիճանը: Պարզվել է որ Նարեկ Խաչատրյանը եղել է ոչ սթափ վիճակում:

Լուսանկարները և տեսանյութը` Գագիկ Շամշյանի:

{gallery}2011/10/avtovtar-halabyan{/gallery}