Ավտովթար Արմավիրի մարզում՝ փրկարարները Գրանդ Չերոկիի տակից դուրս են բերել մահացածի դին (ՖՈՏՈ, ՏԵՍԱՆՅՈՒԹ)

Ինչպես դեպքի վայրից ԼՈՒՐԵՐ.com-ին հայտնեց ֆոտոլրագրող Գագիկ Շամշյանը՝ առավոտյան ժամը 06:00-ի սահմաններում, Արմավիր քաղաքի բնակիչ 1966 թ. ծնված Նվեր Գևորգյանը, վարելով Գրանդ Չերոկի մակնիշի 29 PՍ 999 համարանիշի ավտոմեքենան, Երևան–Արմավիր ավտոճանապարհի Սարդարապատ գյուղի հատվածում դուրս է եկել ճանապարհի երթևեկելի հատվածից և շրջվելով ընկել է ձորը: 

 

Դեպքի վայր են ժամանել ԱԻՆ Հայաստանի փրկարար ծառայության Արմավիրի մարզի փրկարարները, ովքեր ավտոմեքենան ուղղելուց հետո ավտոմեքենայի տակից դուրս են բերել մահացած 1976 թ. ծնված Արմավիրի բնակչուհի Գյուլաբեր Հայրապետյանի դին: 

 

Դեպքի վայր են ժամանել ՃՈ 2-րդ սպայական գումարտակի, առաջին վաշտի աշխատակիցները, առաջին վաշտի հրամանատար Տիգրան Գրիգորյանի գլխավորությամբ: Փաստի առթիվ ոստիկանության ՔԳՎ Արմավիրի քննչական բաժնում նյութեր են նախապատրաստվում: Քննիչի հանձնարարականով մեքենան տեղափոխվեց Արմավիրի բաժնի տուգանային հրապարակ:

Լուսանկարները և տեսանյութը՝ Գագիկ Շամշյանի:

{gallery}shamshyan/Grand{/gallery}