«Պորշ Կայեն»-ի վարորդը 100.000 դրամի չափով տուգանք է վճարել (Տեսանյութ, Ֆոտո)

Երեկ՝ դեկտեմբերի 11-ի կեսօրին, Գեղարքունիքի մարզում, ճանապարհային ոստիկանության աշխատակիցները վարչական ակտ են գրել մի երիտասարդի նկատմամբ:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը՝ նշված երիտասարդը «Պորշ Կայեն» մակնիշի 47 UP 777 համարանիշի ավտոմքենայով, խախտելով երթևեկության կանոնները, մեքենան վարելով մեծ արագությամբ և անօրինական վազանցներ կատարելով, հայտնվեց ճանապարհային ոստիկանության 2-րդ սպայական գումարտակի՝ Գեղարքունիքի մարզի ճանապարհային ոստիկանության աշխատակիցների տեսադաշտում:

Երբ ճանապարհային ոստիկանները Սևանի, այսպես ասած, «ճանապարհային ոստիկանության շարժական կայանում (Սևանի գայի պոստ) կանգնեցրեցին նրան», պարզվեց, որ նրա ավտոմեքենայի դիմապակուց բացակայում են տեխզննման և ԱՊՊԱ կտրոնները:

Նա փորձում էր ճանապարհային ոստիկանության աշխատակիցներին համոզել, որ հայավարի լուծվեն հարցերը, ինչը նրան չհաջողվեց:

Ֆոտոլրագրող Գագիկ Շամշյանը հայտնում է, որ իրեն հայտնի է դարձել, որ երիտասարդը Գեղարքունիքի մարզի Երանոս գյուղի բնակիչ, 27-ամյա Գևորգ Շահինյանն է:

Նրա նկատմամբ ակտ կազմվեց՝ 100.000 դրամի չափով:

Լուսանկարները և տեսանյութը՝ Գագիկ Շամշյանի